Ibat-ibang Kamatayan

(Part 1)

lahat tayo mamamatay.
una-una lang 'yan...

Unti-unting pinapatay ng globalisasyon ang mamamayan ng daigdig.

Sumisirit ang pagtaas ng produktong petrolyo sa pandaigdigang merkado. Umabot na ito sa lebel ng USD 119 ngayon, pinakamataas sa kasaysayan, at inaasahang tataas pa ito. Kaakibat ng resesyon sa Estados Unidos, inaasahan ang lalong pagbagsak ng halaga ng dolyar (ergo, babagsak din ang halaga ng kinikita ng migrante sa Saudi Arabia dahil sa palitan) at paglobo ng tantos ng walang trabaho (ergo, bababa ang pasahod). Isabay pa ito sa pagsirit din pataas ng presyo ng bigas sa pandaigdigang merkado.

Unti-unting pinapatay ng gobyerno ni Gloring ang mamamayang Pilipino.

Unang-una na ang iba't-ibang klase ng singilin na ipinapatong sa mga OFWs na unti-unting pumapatay sa ating hanay: OWWA at PhilHealth fees na walang pakinabang; training fees kung ikaw ay domestic service worker; recruitment at placement fees; ang SSS na binabalak gawing cumpolsary sa OFWs; at ang pinakahuli, ang 0.15% na documentary stamp tax o DST. Idagdag pa dito ang patuloy na pagsirit ng presyo ng mga bilihin laluna na ang bigas, at ang patuloy ng pagbulusok ng halaga ng kinikita dahil sa palitan.

Nitong Abril, kamatayan ng apat na tao ang tumimo sa sangka-Migrantehan ng Saudi Arabia. Ang pagkamatay nina Rey Castillo (sa loob ng Deportation Cell ng Jeddah), Domingo Hidalgo (isang pintor sa Rabigh), Venencio Lizarda (lider ng Migrante sa Jeddah), at Rey Cayago (organisador ng Migrante International) ay iba't-ibang mukha ng kamatayan ~ may nakakapagngalit, may nakakapanghinayang, ngunit lahat ay nagbibigay ng ibayong tulak upang patuloy na manindigan.

Castillo

Unang linggo ng Abril nang una naming ma-monitor ang pagkamatay ng isang Pilipino sa sa loob ng Deportation Cell ng Jeddah. Ngunit dahil hindi pa sapat ang impormasyon (ni hindi alam ng taong nag-ulat sa amin ang kanyang pangalan), wala sa posisyon ang Migrante KSA na magsalita ang kinailangan pa ang imbestigasyon (na hindi naging madali para sa amin).

Noong Abril 15, isa sa mga nakauwing stranded ang naglantad sa kamatayan ni Ryan Castillo, 30 anos, tubong Batangas City. Namatay diumano si Castillo dahil hindi agad nalapatan ng sapat at wastong atensyong medikal ang kanyang kalagayan. Dahil sa kaso, at sa naging karanasan ng mga nakauwing 'stranded', tuluyan na silang nanawagan na i-recall at palitan ang kasalukuyang mga kinatawan ng gobyerno sa Saudi Arabia. Naging defensive agad ang Konsulado ng Pilipinas dahil sa kanilang pagpapabaya sa pagmomonitor ng sitwasyon sa deportation ngunit kasabay ding inamin ang pagkamatay.

Hidalgo

Abril 18 nang ipasa sa akin ang kaso ng pagkamatay ni Domingo Hidalgo, pintor sa Rabigh - isang syudad na tatlong oras ang layo sa hilaga ng Jeddah. Ayon sa anonymous tipster (langya! parang karerista...), namatay diumano si Hidalgo dahil sa kapabayaan ng klinika kung saan sya dinala.

Kuwento ng tipster na in-assume ko na kasamahan din ni Hidalgo sa kumpanyang pinapasukan, papasok diumano ito sa trabaho nang makaramdam ng paninikip ng dibdib noong umaga ng Marso 12.

Diumano, hindi agad na inasikaso ng Clinic si Hidalgo, hinayaan munang mag-suffer sa stretcher ang mama. Nang harapin naman ng mga tauhan ng Klinika, kung anu-ano pang test daw ang isinagawa imbes na isugod na ito sa mas malaking ospital. Ito diumano ang ang maaaring naging dahilan kaya lumala ang kalagayan nito na humantong sa kanyang kamatayan.

Nanawagan ang anonymous tipster ng katarungan. Totoong wasto na hanapin ang katarungan kaugnay ng kapabayaan sa naging kalagayan ni Hidalgo kaya't tama si tipster sa pagbubunton ng sisi sa Konsulado. Dapat nga namang binubusisi ng Konsulado ang ganitong mga kaso, at ayon nga sa tipster: "OUR CONSULATE IS COMPLAINING THAT THEY HAVE BUNCH OF CASES AND HAVE NO TIME TO INVESTIGATE FOR EVERY CASE..." May rason syang magalit.

(Next: Pagpapabaya)

kumustahan

"kumusta naman ang sangka-Migrantehan?" natatawang bati ni Lei, ng Migrant Women's Committee kanina.

matagal na talagang hindi nakakapag-blog ang inyong lingkod! mainly dahil busy nga ~ busy sa kung anong pinagkaka-bisihan.

low profile ang Migrante Saudi Arabia lately dahil busy sa pagpapalakas ng organisasyon. kung mayroon mang direktang epekto ang kampanya sa mga stranded nating kababayan, ito ang pangangailangan na patuloy na magpalakas ng hanay.

noong March 14 ay nakiisa ang Migrants Association in Saudi Arabia o MASA sa isinagawang Second Sphinx Shotokan Karate Tournament - "Fight for a Cause" na ang proceeds ay mapupunta sa mga 'distressed' OFWs sa Bahay Kalinga ng Jeddah (Kuha ang larawan sa itaas mula sa blog ni Art, caterer ng event).

March 14 din inilunsad ang General Assembly ng Kapatiran sa Gitnang Silangan (KGS-Migrante) sa Al Jouf (Hilagang KSA) kung saan nahalal bilang Chairperson si Romeo Villacarlos (tingnan ang larawan sa ibaba). Tinalakay sa Asembliya ang kalagayan ng mga migranteng Pilipino at kung ano ang alternatibong nakalaan para sa kanila.

ilulunsad naman sa Abril 11 ang Pangkalahatang Asembliya ng Kapatiran sa Gitnang Silangan (KGS-Migrante) Riyadh Chapter.

patuloy din ang paglilikom ng tulong para sa mga 'stranded' sa ilalim ng tulay ng Al Khandara at sa mga nasa loob ng deportation ang iba't-ibang organisasyon ng OFWs sa Jeddah tulad ng Migrante-Jeddah, Migrant Womens' Committee, MASA at Kapisanan ng Migranteng Pilipino (KMP) sa pamamagitan ng kanilang barya-box na umiikot-ikot sa iba't-ibang kampo.

ito lang po muna... kapag naayos na ang settings ng computer ng inyong lingkod ay magiging regular na muli ang ating balitaan...

Tagumpay ni Tago

Nagtagumpay na naman si Tago. Nagtagumpay na naman si Tago na itago ang 'stranded'. Sinusulat ko ito ay isa-isa nang isinasakay ng bus ng Immigration Police ng Saudi ang mga 'stranded' na naka-camp out sa Philippine Consulate.

Dadalhin sigurado sila sa loob ng Immigration. Kung hanggang kailan sila doon, walang nakakaalam.

Kung gagawin din sa kanila ang fanning out (kung saan-saan dinala dahil doon daw malapit ang kanilang employer) sa mga nauna nang nag-due process na hanggang ngayon ay hindi pa rin naaayos ang mga papeles, di natin alam.

Kung paghihintayin din sila ng travel document tulad ng mga kababayang nahuli sa raid na kasalukuyang isang buwan nang naghihintay sa loob ng deportation, hindi rin natin alam.

Ang tanging pinanghahawakan ng mga 'stranded' ngayon ay ang tulong mula sa mga community organizations upang laging kalampagin ang Konsulada ng Jeddah at Embahada sa Riyadh para umaksyon at maagang isaayos ang kanilang pag-uwi.

BaBAy Gloria!

Pahinga muna ako sa 'stranded' ngayon pero hindi ibig sabihin na iniiwan na natin ang laban.

Umiinit na nang husto ang NBN-ZTE mess na kinasangkutan ni FG at nagpasigla ng bagong serye ng mga protesta para sa pagpapatalsik kay PGMA . Bilang mga OFW, natural sa atin ang makisangkot sa mga usapin ng ating bansa. Nakatuntong ito sa pagtingin na ang OFWs ang sumusuhay sa ekonomiya ng Pilipinas dahil sa delubyo ng 'remittances' na umabot na sa USD14B nitong nakaraang taon.

Pero ano nga ba ang paki- ng mga OFW, bakit kailangang makisangkot sa pagpapababa kay Gloria?

Maraming kailangang singilin kay Gloria kahit 900 milya ang layo natin sa Pilipinas dahil apektado ang ating pamilya sa mga patakarang ipinatupad ng kanyang administrasyon, hal. ang EVAT na nagpataas sa mga bilihin at mga serbisyong panlipunan; ang patuloy na deregulasyon ng tuition fee; pribatisasyon o komersyalisasyon ng mga hospital at mga unibersidad; atbp.

Idagdag pa dito ang patung-patong na kaso ng 'scam' ~ fertilizer scam, Garcia scam, ang Diosdado Macapagal highway, atbp...

Militarisasyon

Biktima rin ang ating pamilya ng patakarang Oplan Bantay Laya I at II na tumatarget sa mga kasapi ng legal na organisasyon. Halimbawa nito ang kaso ni Axel Pinpin, isang makata at organizer ng mga magsasaka sa Southern Tagalog na hinuli at isinangkot sa rebelyon ng mga sundalo noong 2005 (si Pinpin ay kapatid ng lider ng Migrante UAE).

Sa totoo lang, ilan ngang OFW na nakilala ko dito na sa Saudi ay mga kasapi ng organisasyon ng magsasaka sa central Luzon na tumakas mula sa surveillance at pangha-harass ng militar sa kanilang lugar.

Pero higit pa doon, kabilang sa mga krimen ng administrasyon ni Gloria sa OFW ang mga sumusunod:

1. OWWA Omnibus Policies ~ Inimplementa noong 2004. Kaya huwag na kayong magtaka kung bakit kapag may OFW na namumrublema laging sinasabi na 'walang pondo'. Dahil sa Omnibus Policies, isa-isang inalis ang mga serbisyo at proteksyon para sa OFW; kulang na lang sabihin na wala talagang mapapala ang migrante sa OWWA.

2. Transfer ng OWWA Medical insurance sa PhilHealth ~ Inimplementa noong 2004 din. Lumabas ang scam na ginamit ang pondo ng OWWA Medical sa kampanya sa eleksyon ni Gloria noong taong 'yun, kabilang na ang PhilHealth cards na ipinamudmod sa kampanyahan. Siempre, todo deny ang PhilHealth. Pahirap para sa akin mismo ang paglilipat ng medical coverage dahil bilang single na ang magulang ay less than 60 years old, wala man lang akong pakikinabangan sa PhilHealth.

3. Kapabayaan sa migranteng may problema (OFWs in distress) ~ Kelangan pa bang sabihin ito na para pumusisyon sya sa isang isyu kailangan maging national o international concern muna, halimbawa ang case ni Marilou Ranario. Paano halimbawa ang kaso ng mga 'stranded' dito sa Jeddah, o ng mga kababayan na namumulot na lang ng pagkain sa basurahan sa Kuwait? Ano nga ba ang ginagawa o sinasabi man lang ni PGMA? Wala akong naririnig o nababasa man lang. Standard practice.

Paglahok

Kahit daang milya ang layo natin, pero tayong magagawa. Isa na dito ang pagpirma sa mga online petition tulad ng sinimulan ng Migrante Middle East at BaBAy Gloria (o Bagong Bayaning Ayaw kay Gloria). Pwede kayong makipirma dito: http://www.ipetitions.com/petition/GloriaResign.

Isa pang creative way ay ang light a candle for change na pinasimulan ni Marvin Bionat sa http://www.philippineupdate.com/.

Maraming pwedeng gawin. Maging malikhain lang at siempre, maging mapangahas!

kasuklam-suklam 2

Kasuklam-suklam talaga ito.

Ngayong hapon, nakumpirma namin ang aming pangamba na ang 54 na kababaihang isinurender din ng Philippine Consulate sa Jawassat o Immigration Police (kasabay sila ng 24 kalalakihang 'stranded') ang nanganganib na maisauli sa kani-kanilang amo.

Nakausap ko si Marlee. 12 daw sila na inihiwalay ng selda at kumpirmadong dadalhin din sa Riyadh ngayong araw na ito kung saan sila kukunin isa-isa ng kani-kanilang mga amo. Inaasahan namin na katulad ng naunang grupo ng 13 na ngayo'y humaharap sa kasuklam-suklam na sitwasyon.

Kabilang sa 12 si Nanay Leonora Somera, tubong San Jose City Nueva Ecija, mahigit 60 taon, DH na naging pastol ng kambing. Hindi sya sinuwelduhan ng amo sa loob ng 18 taon. Dalawang taon at kalahati sya sa loob ng Welfare Center sa Jeddah, habang dinidinig ang kanyang kaso at nitong nakaraang taon, ipinangalandakan ng Philippine Consulate na natapos na ang kaso at makakauwi na sya. Nang mag-campout ang mga 'stranded', saka lang natin na-kumpirma na andun pa sya at hindi pa rin nakakauwi.

Sariwa pa sa alaala ng mga nag-CampOut ang pag-asa ni Nanay Leonora na makauwi sa pamamagitan ng 'due process.' Ngayon, nanganganib syang maibalik sa impyernong tinakasan nya.

Walang kahihinatnan

Kabilang sa grupong ito ng 54 ang 43 na kababaihang kinupkop o ikinulong sa loob ng Welfare Center na kinumbinse ng kani-kanilang mga case officer na magpa-deport na lang dahil diumano'y "walang kahihinatnan" ang kanilang nga problema. Karamihan sa kanila ay DH na tumakas sa mga amo dahil hindi pinasuweldo, minaltrato, atbp.

Kabilang sa grupong ito si Syrel Morada na ang kamag-anak sa Australia ay kasapi ng Migrante kaya ipinasa ang kaso sa atin, bagamat walang balita kung kabilang sya sa 12katao na dadalhin sa Riyadh.

Ngayon lang, habang tatapusin ko sana ang blog entry na ito, nakausap kong muli ang nagpakilalang si Sarah, ang nanay ng batang si Ryan na karga-karga ko sa larawang ito. Buntis si Sarah ng tatlong buwan nang makausap namin sya sa ilalim ng tulay ng Al Khandara.

Diumano, lahat pala silang 54 ay isa-isang isinasauli sa kani-kanilang amo. Mauuna lang daw ang 12 dahil may kalayuan ang pagdadalhan sa kanila sa Riyadh. Ilang kasamahan na daw nila ang nabawi ngayong araw na ito (bagamat hindi nya matandaan ang mga pangalan).

Tinanong ko ang kalagayan nila sa loob ng selda. Siksikan din daw sila doon dahil sa dami ng ibang lahi ("mga maiitim," sabi nya) bagamat nakakahiga naman daw sila kahit papaano. Tulad ng naunang ulat, agawan pa rin sa pagkain kaya't nahihirapan ang katulad nyang buntis. Nagtatae daw ang iba sa kanila at dalawang bata, kabilang na si Ryan ay nilagnat muli kagabi.

Tinanong ko kung mayroon man lang bang dumalaw sa kanila na galing ng Konsulada, wala daw syang nakita.

"Kuya, tulungan mo naman kami..." pahabol pa ni Sarah sa akin.

Nagngingitngit ako sa kapalaluan ng ginawang ito ng Konsulada, laluna na ni Consul General Ezzedin Tago.

Our people does not deserve this. OFWs in Jeddah does not deserve Tago (XXX - edited). Ayokong maulit ang pananawagang recall ng Migrante noong 2004 matapos ang barubal na handling sa mga nag-hunger strike sa Embassy sa Riyadh, ngunit nag-iisip akong maige ngayon!

kasuklam-suklam

Kasuklam-suklam. Iyan ang pagkaka-describe ni Jim, isang 'stranded' na Pinoy tungkol sa kanilang kalagayan sa deportation sa Riyadh, Saudi Arabia.

Hindi ko pa naitanong kung paano naging 'stranded' si Jim ngunit kasama sya sa 24 na kalalakihan na pumirma sa 'legal deportation process' na inilako ni Consul General Ezzedin Tago. Ini-endorso ni Tago ang 24 sa Immigration Police ng Saudi Arabia at pinick-up sa loob mismo ng Konsulada noong Pebrero 10.

Matatandaan na noong kainitan ng camp-out ng humigit-kumulang 88 'stranded' sa Philippine Consulate, inilako ni Tago at ng mga alipores nya ang 'legal deportation process' o 'due process' upang hatiin ang mahigpit na pagkakaisa ng mga 'stranded.' Dalawa lang mula sa 88 ang pumayag ngunit pinagtatawagan ng Konsulada ang iba pang 'stranded' na nasa labas at nagtatrabaho, hinikayat na lumitaw, at pinaasang makakauwi sa pamamagitan ng 'due process' kaya't umabot ang grupo sa 24.

Sa isang banda ay nagtagumpay ang Konsulada na hatiin ang grupo dahil mula sa orihinal na 88 kalalakihan, may humiwalay na 12 pa.

Bakit mahigpit ang paninindigan ng mga 'stranded' na huwag tanggapin ang alok na 'due process'? Simple lang ~ dahil nanganganib silang maibalik sa kani-kanilang mga employer na tinakasan na nga nila dulot ng iba't-ibang kaso ng pang-aabuso, pagmamaltrato at paglabag sa kani-kanilang kontrata. (At tama ang pagsusuri ng mga 'stranded' dahil kumpirmado nang isa sa 24 ay nabawi na ng employer na tinakasan nito.)

Frantic

Kahapon, naging sunud-sunod ang miscall at text ng mga 'stranded' na nag-due process. Kung matatandaan, sila yung nag-text tungkol sa kanilang kawawang kalagayan sa loob ng 'deportation' ng Jeddah. Ibinabyahe daw sila ng Jawassat (o Immigration Police) patungo sa Riyadh. Ayon kay A.E., 13 daw sila at nakaposas silang lahat kaya hindi nila maintindihan kung bakit gayong hindi naman sila kriminal. (May statement ang Migrante Saudi Arabia kaugnay nito...)

Saktong 3:18 PM (Saudi time), tumawag akong muli sanhi ng kanilang miscall. Nakarating na daw sila sa Riyadh. Si Jim na ang kausap ko dahil sa kanya pala ang telepono. Ipinasok daw sila sa isang selda na ang laki ay 8 x 15 m (malaki pa ng konti ang isang regular na classroom sa Pinas) kasama ang 100 pa na ibat-ibang lahi.

Nag-litanya na si Jim:

"Depressed na kaming lahat dito, sir. Walang mahigaan dito. Hindi kami makalakad sa sobrang siksikan. Tayo-upo lang kami. Gitgitan pa ang pag-upo. Nasa eskinita na kami, sir. Ako andito na ako sa may rehas, tabi ng pinto. Hindi pa
kami kumakain mula kanina."

"Kasuklam-suklam ang kalagayan namin dito, sir. Please tulungan nyo kami na maiparating sa lahat kung ano ang kalagayan namin dito."

"Yung isang kasamahan namin hinang-hina na... si Noel... Farrales. Sa sobrang init, saka pagod."

"Ano ba naman itong ginawa nila sa amin, sir. Hindi ito ang sinabi nila sa amin nong pinapamirma nila kami ng 'due process..."

"Hindi namin alam kung bakit balik kami uli sa simula. Sinisingil kami para daw sa litrato e anong ibibigay namin, wala na kaming pera."

"Tumawag ako kay Andam (tauhan ng Consulate sa Jeddah) nagulat din sya bakit kami andito. Ang sabi sa amin, bukas pa daw kami pupuntahan... Hindi man lang ba kami pwedeng silipin maski sandali lang. Sabi nya, bukas na lang daw..."

"Huwag mo na lang sabihin pangalan ko, sir. Ma... ano ang pamilya ko pag nalaman nila na ganito ang kalagayan ko ngayon dito..."

Noon, naglubay kami sa pagbatikos sa Konsulada upang bigyang daan ang kung anumang plano nila para sa mga kakabayan natin. Ngayon, panahon nang muli nang paniningil!

nag-lay low ba?

Stranded Pa Rin 2

Sinadya talaga naming mag-lay low nang kaunti sa paglalabas ng statement kaugnay ng mga 'stranded' upang bigyan ng puwang ang anumang hakbang na ninais gawin ni Consul General Ezzedin Tago. Ang pagpipigil naming iyon ay batay na rin kahilingan ng mga 'stranded'.

Ang totoo, bilang indibidwal (dahil hindi iyon ang konsensus ng Migrante KSA), gusto kong magtiwala kay Consul General Ezzedin Tago. Una, dahil kaa-appoint pa lang nya at naniniwala akong kailangan talaga ng bagong dugo sa hanay ng Konsulado ng Pilipinas sa Jeddah. Ikalawa, dahil inaamin kong natugunan naman nya ang mga nauna naming mga request para sa pagpapauwi kina Laura 'Aya' Torres (aka Starlight Lara, Nora Torino) at Noralyn Mamasalagat.

Nagagalit diumano si ConGen Tago sa Migrante KSA dahil sa mga pahayag na katulad nito:

"We believe it is the height of callousness to ask them to go through the same process that forced them to camp out under the bridge in the first place," Ociones adds.

"Migrante urges immediate repatriation of stranded Filipinos in Jeddah."
(Migrante Saudi Arabia News Release dated 03 February 2008) At saka dito:

Carlos Rebutar, Spokesperson for the group of some 88 'stranded' OFWs said today. “The black headbands signify the death of our families as the Philippine Consulate refuses to lift a finger to alleviate our plight.”

"Stranded Filipinos starts wearing black headbands, reiterates appeal for repatriation."
(Migrante Saudi Arabia News Release dated 11 February 2008)

Sabayan pa ito ng hirit ni DFA Undersecretary for Special Concerns Rafael Seguis na nagsabing:

"We never do anything right for Migrante. They are all talk. Why don't they be the ones to talk to the Saudi Arabian government and help OFWs?"

Stranded OFWs must go through legal process - DFA
By Pia Lee-Brago
Philippine Star. February 9, 2008
Posted in http://www.abs-cbnnews.com/storypage.aspx?StoryId=108545

May mahaba kaming sagot sa pinagsasabi ni USec Seguis pero saka na iyon. Gusto ko lang idiin na magkakatono na sa koro ang mga tauhan ng Department of Foreign Affairs. Halimbawa, reaksyon diumano ni Vice Consul Jose Jacob Jr. noong magtali ng itim na tela ang mga 'stranded' bilang protesta na "maka-karma din kayo. Ginagamit nyo pa ang patay..."

Idagdag pa ang palaging pagpupumilit diumano ni Vice Consul Jacob kay Carlos Rebutar na amining sya'y kasapi ng Migrante. Hirit diumano ni Vice Consul Jacob kay Caloy noong mag-dialogue ang Konsulada at ang mga 'stranded': "Migrante ka ba? Kasi pareho kayo kung tumira."

Cliche' na kung tutuusin ang kasabihang 'kapag defensive, guilty'. Ngunit hindi ako naniniwala sa cliche na nabanggit dahil umaasa pa rin ako sa bukal na kabutihang loob ng bawat tao, laluna kay ConGen Tago na half-Pinoy, half-Egyptian pala.

Ngunit hindi ko babawiin ang nasabi na dahil malinaw at matatag ang aming tinutuntungan.

Higit sa lahat, ang mga pangyayari ang magpapatunay ng katotohanan.

stranded pa rin

Notes ni Droidz

May nag-miscall sa akin kanina paggising na paggising ko. Dahil hindi ko kilala ang number, inalam ko kung sino at eto ang sagot nya:

Nandito po ako s deportation. Ako c a.e. S gusali n # 1 ay 66 kming pinoy. Mrmi s amin my ubo, s gabi, 2 o tatlo my fever. Vgay help consulate.. Qlang.

Baka pag-initan ng mga tauhan ng Consulate si a.e. kaya itinago ko ang pangalan nya. Kilala ko siya dahil kasama si a.e. sa original na 88 stranded mula sa Al Khandara Bridge na nagtungo sa Philippine Consulate upang humingi ng tulong para makauwi. Isa sya sa mga tumanggap ng 'due process' na inilako ni Consul General Tago.

Tinanong ko ulit kung wala bang pumupuntang tauhan ang Philippine Consulate at ito ang huling text nya kaninang 08:50:07am.

Meron, vgay cla gamot pero qlang. 2box n expectont capsule. N involve n kmi sa away, laban ibang lahi. Cge bye bye n me pulis.

Ganyan ang totoong sitwasyon ngayon ng mga 'stranded' sa loob ng Deportation.

Sa loob ng Deportation ay may tatlong building o 'selda.' Ang Building 1 na binabanggit ni a.e. ay ang Selda 1 kung saan pino-process ang mga bagong dating. Dito, tinutukoy pa lang ang identity ng mga 'deportees', tinutukoy kung sino ang kanilang 'employer' at inaalam kung may nakasampang kaso laban sa kanila ang kanilang employer. Kung walang naghahabol, ililipat sila sa Selda Dos para sa paghahanda ng 'travel document' hanggang makarating sa Selda 3 para sa mga naghihintay na lang ng booking ng flight pauwi.

Ang away na binabanggit ni a.e. dito ay kaugnay ng pagkain ~ sa loob kasi ang pagkain ay hindi dini-distribute ~ inilalagay lang ito sa isang bandehadong sinlaki ng takip ng drum at bahala ang mga taong mag-agawan para makakain. Noong nakaraang linggo, namonitor ng Migrante Saudi Arabia na dalawang babaeng kababayan natin ang na-bartolina dahil sa ganitong awayan kaya hindi natin maiwasan ang hindi mag-alala sa kalagayan nina a.e.

Lumalabas sa monitoring ng Migrante KSA na tanging ang 17 at isang bata pa lamang na naunang dinampot ng Immigration Police sa Al Khandara Bridge noong February 5 at ang 5 na nauna na nilang inabutan doon, ang nakakauwi. Nananatili pa rin sa loob ng Deportation ang 53 kababaihan na ipinasok naman noong February 10 at nalaman din ng Migrante KSA na abot sa 20+ sa kanila ay nanganganib na bawiin ng kani-kanilang mga employer, kung hindi man ay makulong.

Sa loob ng Konsulada ay nananatiling nagkakampo pa rin ang 72 'stranded' at nauubusan na sila ng pag-asa. Kahapon ng umaga, 16 February ay umugong ang balita na pipik-apin na sila ng Immigration Police ngunit muli silang nanlumo nang kumpirmahin na tsismis lang ang lahat.

Nang magtanong diumano ang mga stranded kung kailan magkakaroon ng linaw ang lahat, ang sagot diumano ni si Vice Consul Jose Jacob, Jr. ay "maybe tomorrow, maybe next week, maybe never..."

Lumalabas ngayon na malinaw na ang tanging layunin ng Konsulada ay itago sa mata ng publiko ang mga 'stranded' na nagkakampo sa Consulate upang palitawin na mayroon silang nagawa kahit papaano.

panggagalaiti

Nanggagalaiti pa rin ako sa galit at frustration dahil sa ginagawa (o hindi ginagawa) ng Consulate para sa mga stranded...

Ang Tulay Republic

Notes ni Droidz

Una naming na-monitor ang pagdagsa ng mga Pilipino sa ilalim ng Kandara Bridge noong Enero 15 sa pamamagitan pa rin ni Ate Edith Mahinay, Tagapangulo ng Kapisanan ng Migranteng Pilipino (KMP). Noon pa lang, umabot na daw ng 200 katao ang nagkakampo doon na nagbabakasakali na makauwi kabilang na ang 50 Pilipino.

Kabilang sa naabutan namin doon si Caloy, 33 taong gulang, tubong Maynila at isang color technician. Dumating sya sa Saudi Arabia noong 5 Enero 2005 kasama ang isa pang Pinoy. Nadestino sila sa Gassim, Buraida (sa central region), mga sampung oras ang layo mula sa Jeddah, Saudi Arabia.

"Double job kami pagdating namin dun tapos pinag-o-overtime kami na walang bayad," kwento ni Caloy sa akin. "Bukod lang yung mga kaltas."

"Sabi kasi ng employer sa agency, malaking kumpanya daw sila. Pagdating dito, establishment lang pala. Yung kapatid nya, merong construction company pinagtatrabaho pa kami dun," patuloy pa ni Caloy.

Matapos ang anim na buwan (15 June 2005), tumakas silang dalawa ng kasamahan at nakarating sa Jeddah. Nagpagala-gala sila ng sumunod na mga buwan, nakahanap ng trabaho na karaniwang tumatagal ng hanggang ilang buwan lang.

Makalipas ang Pasko nitong nakaraang taon, may nakausap silang ahente ng 'backdoor,' isang diumano'y paraan para makauwi sa Pilipinas. Siningil sila ng SR 600 (halos PhP 6,000) pero iniwan lang silang sa isang Mall na malapit sa kinalalagyan nila ngayon.

Pagkakaisa. "Dati nang merong mga maliliit na grupo dito," kwento pa ni Caloy. "Merong tinatawag na 14K, 18K, F4, atbp."

Dati daw nag-aambagan lang sila sa pagkain. Nang maubos ang kanilang itinatagong pera, dun sila nagsimulang manghingi ng suporta sa mga taong nakakausap nila sa palibot ng tulay. Hanggang dumating na ang tulong ng media at ng iba pang mga organisasyong Pinoy, na nagbigay ng pagkain, tent, atbp pangangailangan.

"Pinagkaisa na namin ang mga grupo kasi kailangan na," kwento pa ni Caloy.

Napansin kasi nilang kakaunti lang ang nakakasampa (inaaresto ng Immigration Police para ipa-deport) at dumarami na nang husto ang kanilang hanay. Nagsisimula na ri silang mawalan ng pag-asa na makasampa.

Sumulat sila ng isang Appeal sa Philippine Consulate na nagsisilbing ring batayan ng kanilang pagkakaisa. Inayos ang hanay, kabilang ang pagkain at seguridad. Tinukoy ang mga tagapagsalita.

At noong 3 Pebrero, nagdesisyong magtipon-tipon sa Philippine Consulate upang makipag-dayalogo kay Consul General Ezzedin Tago para hilingin ang kanilang repatriasyon o pag-uwi.

Appeal sa Philippine Consulate ng mga Stranded sa Ilalim ng Tulay : 1, 2, 3.

Sa Ilalim ng Tulay

Notes ni Droidz

Pumunta kami kagabi (02 February 2008) sa ilalim ng tulay ~ ang tambayan ng mga stranded dito sa Saudi Arabia na nagsusubok na makauwi sa kani-kanilang bansa. Ito ang inabutan namin, isang linya ng tent kung saan natutulog ang mga Pinoy na stranded:

Inimbita kami doon ni Ate Edith, lider ng Kapisanan ng Migranteng Pilipino (KMP), isang organisasyon na kaanib ng Migrante International. Ang KMP ang direktang linya ng Migrante Saudi Arabia sa mga 'runaway' o 'stranded' dahil karamihan sa kanilang miyembro ay mga dating 'runaway' na nakabalik muli at nakapagtrabaho sa Saudi.

Ang balak lang namin talaga, bisitahin ang isang grupo na kinupkop ng KMP. Kaya naghanda kami ng kaunting mapagsasaluhan para sa kanila at ang karagdagang tent na kailangan nila para mayroon silang dagdag na tulugan.

Alas-diyes na noon ng gabi, hindi pa pala sila naghahapunan (nagtago sa camera si Ateng, ang nakatokang tagaluto ng oras na iyon).

Hindi namin naisip na nakapagplano na pala sila na magtungo sa Consulate ngayong araw na ito at talagang hinihintay nila kami upang hingin ang suporta ng Migrante. Ito naman si Bob Fajarito, ang Chairperson ng Migrante Jeddah kausap ang mga lider ng Pinoy sa ilalim ng tulay.

Sa paglilibot ko, napansin ko ang grupong ito ng mga Pakistani na dun din natutulog sa ilalim ng tulay ~ obviously mga 'stranded' din na naghihintay ng tsansa na makauwi. Kayo na ang magsabi kung masarap ang buhay dun.

Hindi madali ang buhay ng 'stranded.' Bilang organisasyon at bilang indibidwal, naniniwala ako na dapat na silang makauwi sa lalong madaling panahon.

ConGen Tago Responds

A few days ago, Migrante KSA filed an appeal in behalf of various distressed women and requested for a dialogue with the Consulate. After two langourous weeks and numerous appeals, newly installed Consul General Ezzedin Tago relented and met with your Migrante Saudi Coordinator and Migrante Jeddah Chairperson Bob Fajarito on Thursday, 17 January 2008.

In an email addressed to Asia Pacific Mission for Migrants (APMM) Women's Coordinator Esther C. Bangcawayan, ConGen Tago described the results in his own words:

... I wish to inform you that I have met with Mr. Andrew Ociones of
Migrante KSA yesterday at my office. We discussed the status of the cases
mentioned in his email, in particular the cases of 5 OFWs also mentioned in your
email.

Please allow me to reiterate the status of the cases of :

1. Ms. Laura Aya Torres: She was visited at the Deportation by the staff of the Consulate. She has been transferred to another area within deportation which means that she is being prepared for deportation soon. The Consulate staff will follow up the matter so she could leave for the Philippines as soon as possible.
2. Ms. Noralyn Mamasalagat: I have discussed her case with
   both the Labor Attache and Welfare Officer. As the recruitment agency in Manila has been delisted, the POLO Jeddah will request OWWA to provide her a ticket so she could leave the kingdom before the expiration of her exit visa on 23 January.
3. Ms. Marilou Salazar: The Consulate staff accompanied her twice to Aquiq to identify the residence of her employer to determine the police station which has jurisdiction over her case/complaint. Despite due diligence, we were not able to identify her employer’s address. The hospital will not take necessary action on her examination unless there is a referral from the Police which will not accept her complaint unless filed at the station with jurisdiction over the case. She has stressed her desire to return to the
   Philippines as soon as possible, which she also conveyed to Mr. Andrew Ociones yesterday.
4. The cases of Ms. Dukay and Aiko have been referred to the Labor Attache,
   and I shall provide you a status of their cases as soon as I receive the same
   from him.

Further updates to follow.

Very truly yours,
Ezzedin Tago
Consul General

So there!

Any dialogue is never enough though. Since ConGen Tago is still new in the office, Migrante KSA opts to wait for the promised results, while remaining vigilant.

More on Migrante KSA's visit to the Consulate in Jeddah next time.

16 Detainees in Dammam

On 16th of January, Migrante Saudi Arabia received the following appeal/s from a certain "Jaime T. Gonzaga" (jaime.gonzaga@aramco.com) in the Eastern Region concerning 16 OFWs "languishing" in the detention cells of the Immigration Police in Dammam. His email says:

Goodday Sir!

Please find below message being circulated in the Eastern Province of Saudi Arabia re "Kababayan" languishing in Jawasat Dammam jail.

If you are still not aware of this, kindly provide the necessary action to alleviate them from their present predicament. Thank you very much and God bless us all.

What follows was a lengthy email forwarded and re-forwarded by our kababayans, a virtual example of how information is passed on in the age of internet. The email as originally posted by a certain Jeorge G. Antido on 12 January reads:

-----Original Message-----
From: Antido, Jeorge G
Sent: Saturday, January 12, 2008 9:56 AM
Subject: FW: Jawasat Eastern Detainee

Paki forward nalang kasi kawawa naman.

Regards,

Sent email:
Galing ako kanina sa Jawasat Dammam, Bale may 16 na Pinoy ang naka Kulong mostly ang kaso ay Runaway. Kinuha ko ang mga pangalan nila at paki Post mo sa site natin, Baka may mga mkakilala sa kanila, dahil matatagal na don sa loob,

01. Ronnie M. Tosoc
02. Elmer Santillan
03. Juvy Malasig
04. Romeo Cuaresma
05. Amon Atong
06. Zaldy Malang
07. Nilo Bagasiha
08. Eddie Mallari
09. Arnold Kamansa
10. Jaime Mendoza
11. Danny Lagramada
12. Daniel Cobar
13. Dindo Elmido
14. Cesar Maximo
15. Imbronito Punay
16. Jonathan Tabilas

Thanks,

Migrante KSA immediately issued an appeal and sent it to the concerned government agencies, among them the Philippine Embassy in Riyadh to address our kababayan's concern.

And today, we received the response from Labor Attache David Des T. Dicang of the Philippine Overseas Labor Office (POLO) Eastern Region Operations which explains, among other things:

(1) That six out of the total 16 OFWs mentioned in the email including
Elmer Santillan, Romeo Cuaresma, Zaldy Malang, Nilo Bagasina, Arnold Kamansa and Daniel Cobar were already repatriated; while,

(2) The remaining ten were not really "matagal na doon sa loob" as the
earliest were registered only on 28 November last year.

Migrante KSA expresses our deep gratitude for LabAtt Dicang's immediate response and thus we unite with him when he requests that interested parties "be accurate in the facts they post via email or they wish to disseminate for the benefit of all".

We can only hope that POLO in the Eastern Region (and elsewhere) would be able to address the issues of distressed OFWs in a timely and decisive manner, the way POLO-ERO responded to our appeal.

Guilty?

Notes ni Droidz

Tulad ng dati, mukhang guilty na naman ang Konsulada sa kasong pagpapabaya sa mga kababayang in-distress. Isang halimbawa nito ang kaso ni Marie/Ana, isang biktima ng panggagahasa na hindi naipa-medical hanggang noong Dec. 30 gayong dumating sya sa Welfare Center noon pang Dec. 25 (inaalam pa kung naipa-medical na sya ngayon).

Idagdag pa rito ang kaso ni Aya.

Si Laura "Aya" Torres ay kasalukuyang nasa ika-7 buwan ng pagbubuntis at kasalukuyang naka-detine hanggang ngayon sa deportation ng Jeddah. Kung tutuusin, madali sanang maiayos ang kanyang release o "deportation" dahil sa kanyang kalagayan (humanitarian reason kumbaga) pero hindi ito ang nangyari.

Ang totoo, hinuli rin kasabay ni Aya ang isang mag-ina - runaway ang babae at iilang buwan pa lang ang sanggol - ngunit hindi na nagtagal sa detention at nai-deport din kaagad pauwi sa Pilipinas dahil sa humanitarian reason.

Inaresto si Aya ng Immigration Police noong Nobyembre 2007 nang i-raid ang kanilang tinitirhan dahil diumano sa report na mayroong mga mag-asawa doon na may pekeng marriage contract. Nang magbulatlat ang mga pulis, napansin na hindi nagtutugma ang pangalan sa iqama (residential working permit) at identification papers na ipinakita ni Aya kaya kinasuhan ng falsification of documents. Dahil kakaiba ang kaso, hindi sya agad nakasabay sa mga pinauwi.

Pero naayos naman kaagad ang kaso nya sa Immigration, na-delay nga lang ang processing ng papeles nang magsimula ang opisyal na holiday humigit-kumulang 7-araw bago ang Eid Al-Adha mula Dec. 18 hanggang Dec. 23.

Matapos ang holiday, naayos din sa wakas ang papeles nya sa Immigration kaya pwede na daw syang ipa-deport. Ang problema, suspendido naman ang serbisyo ng Konsulada dahil sa mahabang holiday kaya hindi sya mabigyan-bigyan ng travel document para makauwi sana bago man lang mag-New Year.

Ayon sa direktiba ni Ambassador Antonio Villamor, suspendido ang mga transaksyon sa Embahada at Konsulada mula Dec. 15 hanggang Jan. 1 maliban na lamang sa mga sumusunod na araw: Dec 26, 27 at 29.

Payag na akong kauna-unawa ito dahil official holiday sa Pilipinas ang mga petsang Dec. 24-25 (Pasko), Dec. 30 (Rizal Day) at Dec 31-Jan 1 (Bagong Taon).

Gayunman ayon nga sa isang news report, patuloy dapat na aako ng mga emergency cases ang mga opisyal ng konsulada sa panahong walang pasok. Dahil buntis, pwede sanang ikunsidera na emergency case ang kaso ni Aya, pero hindi nga ito ginawa.

Sa ulat ng Welfare Committee ng Migrante Jeddah, hawak na raw ng Konsulada ang passport ni Aya kaya madali nang ayusin kung tutuusin (kumpara sa mga kaso na walang passport na kailangan pang mag-type ng travel document, etc). Kung gayon, hindi mauubos ang dalawa at kalahating araw na bukas ang consular office para maasikaso ang pag-uwi ni Aya pero hindi nga din ito ang nangyari.

Gusto kong unawain na busy ang mga tauhan ng Konsulada ng Jeddah dahil sa mga magkakapatong na dahilan: una, ang pagbuhos ng mga kababayan na nag-Hajj; ang panunumpa, pag-upo at siguro'y adjustment ng bagong katatalagang Consul-General Ezzedin Tago; at ikatlo, ang magkasunod na pagdiriwang ng Eid-Al-Adha at Pasko.

Pero sabi ko nga, hindi naman siguro napakahirap at hindi uubos ng nakaparaming oras ang kinakailangang hakbang para makauwi si Aya.

Pwera na lang siguro kung hihintayin pa natin na manganib ang buhay ng sanggol sa sinapupunan ni Aya dahil sa mahirap na kalagayan sa loob ng detention.

* * *

See also: http://migrante-ksa.blogspot.com/2008/01/guilty.html